تطبيق واتساب للأعمال والربط الرسمي على نفس الرقم.
التزامن المشترك (Coexistence) ميزة من ميتا: تربط رقمك اللي على تطبيق واتساب للأعمال بالربط الرسمي (WhatsApp API)، وتكمل ترد على عملائك من جوالك. وفي أتمت شات تفعّله من لوحة التحكم، في كل الباقات.
نفس الرقم اللي يعرفه عملاؤك · بدون رقم جديد
آخر تحديث: ١٥ أكتوبر ٢٠٢٦
وش هو التزامن المشترك؟
هو طريقة ميتا لتشغيل تطبيق واتساب للأعمال والربط الرسمي (WhatsApp API) على رقم واحد في نفس الوقت. ميتا تسمّيه «Onboard WhatsApp Business app users»، وأي شريك يدعمه يقدر يقدّمه، وأتمت شات واحد منهم.
قبله، ربط رقمك بالربط الرسمي كان يعني تترك التطبيق. معه، الإشعارات والحملات والذكاء الاصطناعي تطلع من نفس الرقم، وأنت تكمل محادثاتك من جوالك، وواتساب يزامن الرسائل بين الاثنين.
وش يشتغل في التطبيق ووش يشتغل عبر الربط الرسمي؟
التطبيق يبقى مثل ما تعرفه تقريباً، والربط الرسمي ما يدعم كل اللي في التطبيق:
- المحادثات الفردية: تشتغل في الاثنين، والرسائل تتزامن بينهم. واللي ترسله من جوالك يظهر في صندوق محادثات أتمت شات، ويوقف الذكاء الاصطناعي في هذي المحادثة
- عبر الربط الرسمي: إشعارات الطلبات، والحملات بقوالب ميتا المعتمدة، وردود الذكاء الاصطناعي، وصندوق محادثات لفريقك
- تبقى في التطبيق بس: المجموعات، والمكالمات، والكتالوج، والرسائل الجاهزة والتصنيفات
- تتوقف في التطبيق: قوائم البث، والرسائل المؤقتة والعرض مرة واحدة والموقع المباشر في المحادثات الفردية
كيف تربط رقمك بالتزامن المشترك في أتمت شات؟
تحتاج رقمك على تطبيق واتساب للأعمال بإصدار 2.24.17 أو أحدث، ومستخدم عليه ٧ أيام على الأقل، وجوالك في يدك:
- في أتمت شات، من صفحة القنوات، اضغط «المتابعة عبر فيسبوك».
- في نافذة ميتا اختر إنك تكمل برقمك اللي على تطبيق واتساب للأعمال.
- أكّد الربط من التطبيق على جوالك، واختر إذا تبي تشارك سجل محادثاتك — المشاركة اختيارية.
- بعد الربط، كل الأجهزة المرتبطة برقمك تنفصل، ومنها قنوات أتمت شات: اربطها من جديد.
إذا شاركت السجل، أتمت شات يحفظ منه أرقام عملائك بس، كعملاء في قائمتك، وما يدخل رسائلك القديمة لصندوق المحادثات. ومن باقة برو يقرأها مرة وحدة ليقترح تعليمات للذكاء الاصطناعي، ثم يحذفها.
وش حدود التزامن المشترك؟
هذي حدود ميتا، وتنطبق مع أي شريك:
- السرعة: ٢٠ رسالة في الثانية للرقم، فالحملة الكبيرة تاخذ وقت أطول
- التطبيق لازم يبقى شغّال: إذا ما فتحت التطبيق على جوالك حوالي أسبوعين، ميتا تفصل الرقم عن الربط الرسمي
- الحد اليومي: ميتا تحدد كم عميل تبدأ معهم محادثة بقالب في ٢٤ ساعة، على مستوى حسابك
- رسائلك من التطبيق ما تفتح نافذة خدمة العملاء على الربط الرسمي
كم يكلف التزامن المشترك؟
أتمت شات ما تأخذ عليه شي: الربطين في كل الباقات. والرسائل اللي ترسلها من التطبيق تبقى مجانية مثل ما كانت.
والرسائل عبر الربط الرسمي تتبع أسعار ميتا: أول 1,000 رد على عملائك في الشهر مجانية من ميتا لكل رقم، والقوالب مثل الحملات بسعر فئتها في دولة العميل. وعلى رقم مربوط بالطريقتين، يرسل أتمت شات ردود الذكاء الاصطناعي ضمن حصة ميتا المجانية، وبعدها عبر قنوات أتمت شات.
ليش تضيف قنوات أتمت شات للرقم نفسه؟
الربط الرسمي يحمل الحملات والرسائل التفاعلية، وقنوات أتمت شات تكمّله على نفس الرقم: تصنيفاتك في أتمت شات تتزامن مع تطبيق واتساب للأعمال على جوالك عبرها.
ومن باقة برو، مجموعات واتساب توصل صندوق محادثاتك عبر قنوات أتمت شات بس.
أي باقة فيها التزامن المشترك؟
كل الباقات، للمتاجر وللأنشطة التجارية.
- متاجر — من باقة بلس
- الربط الرسمي بالتزامن المشترك، وقنوات أتمت شات على نفس الرقم
- أعمال — من باقة بلس
- الربط الرسمي بالتزامن المشترك، وقنوات أتمت شات على نفس الرقم
اقرأ الدليل الكامل للتزامن المشترك · وش هو الربط الرسمي (WhatsApp API)؟ · كل الباقات والأسعار
أسئلة عن التزامن المشترك
اللي يسأله التجار وأصحاب الأنشطة قبل ما يربطون رقمهم.
لا. هو ميزة من ميتا، وأي شريك يدعمها يقدر يقدّمها. وأتمت شات يقدّمها في كل الباقات، من لوحة التحكم.
نعم، تستخدم رقم نشاطك نفسه. قنوات أتمت شات تربط رقمك كجهاز مرتبط، مثل واتساب ويب، فيبقى التطبيق على جوالك شغّال كالعادة. والربط الرسمي (WhatsApp API) يبقي التطبيق شغّال إذا كان رقمك على تطبيق واتساب للأعمال. أما الرقم اللي مو على تطبيق واتساب للأعمال، فإذا سجّلته على الربط الرسمي ينتقل له وما يعود يشتغل على التطبيق.
نعم. تظهر في صندوق محادثات أتمت شات، والذكاء الاصطناعي يوقف في هذي المحادثة عشان ما يرد فوق ردك.
لا. إذا شاركت السجل، أتمت شات يحفظ أرقام عملائك بس، كعملاء في قائمتك. ورسائلك القديمة تبقى في التطبيق.
نعم. ميتا تفصل رقم التزامن المشترك عن الربط الرسمي إذا ما انفتح التطبيق على جوالك حوالي أسبوعين، فخلك تستخدمه.
فقط على الرسائل اللي تُرسل عبر الربط الرسمي (WhatsApp API): ميتا تحاسب على رسائل القوالب مثل الحملات، وعلى الردود بعد أول 1,000 رد في الشهر لكل رقم. تدفعها لميتا مباشرة من وسيلة الدفع في حساب واتساب للأعمال، وأتمت ما تأخذ عليها أي هامش. والرسائل عبر قنوات أتمت شات ما عليها رسوم من ميتا.
أسعار رسائل ميتا لكل دولة ←اربط رقمك بدون ما تترك التطبيق
تجربة مجانية: ٧ أيام للمتاجر من متجر تطبيقات منصتك، و١٤ يوماً للأنشطة بدون متجر.
عندك سؤال؟ تواصل معنا